سلام ياكاسب غلا كل مغليك...
يامالك زمان المراجل بيمانك...
الطيب ساسك والعرب عزها فيك...
لا ضاعت علوم الرجاجيل تنصاك...
ربعك تفاخر وتفتخر بطاريك...
لاهان ذاك اللي على الطيب رباك
 

- - - - - - - - - - - - - - - - - - - - - - - - - - - - - - - -

ودي أكون البحر لك وانت لي سيـــف
وأكون لك .. عمرك وقرة عيونـــــــك

وأصير لك ديوان شعر .. وتوصيـــــف
وفي وسط صحرا الحب تهطل مزونك

لا تخاف لا ما فيه .. شك وتخويــــــــف
انا معك في رحلة العمر .. عونــــــــك

نضمت عمري عقد .. لاتقول لي كيف ؟
أيام عمري مالها .. طعم دونـــــــــــــك...

- - - - - - - - - - - - - - - - - - - - - - - - - - - - - - - -

في عيوني ورد .. والخفاّق كـادي
في شمالي عز .. واليمنى كريمـه
داخلي فارس سبب كـل اعتـدادي
ضلع أعوج لكن امشـي مستقيمـه
فيني رحمهـ قاسيهـ صبـر وجـلادي
فيني دمعهـ حانيهـ في وسط غيمـه
الغضب واحساس مرهف غير هادي
هي عيوبي المستجـدهـ والقديمـه
إيهـ أغضب إيهـ ويزيـد احتـدادي
لو يعاملني أحد مثـل الغشيمـه !!
بالعقل أنـداد واعلنهـا وانـادي :
أنا أنثى .. لكن آرائي حكيمـه !!
أنا غير وحنت يا وقـت السـدادي
والديـون نردهـا لأهـل الظليمـه
أنا غير وحتى لو أصبحـت عـادي
وفي عيونهـ مابقالـي أي قيمـه !!